Театрыбыз каршында эшли торган сәламәтлеге чикләнгән балалар өчен «Могҗиза» театр студиясе «Ай-ли, замана» дигән театраль тамашаны кабатлап күрсәтте. Чарада шулай ук Татарстанның халык артисты Рәсим Низамов һәм җырчы Лилия Хәйруллина катнашты.
«Во благо вместе» хәйрия фонды директоры Айгөл Шәкүрова һәм «Приют человека» хәйрия фонды директоры Александр Суханов «Могҗиза»лыларга уңышлар теләде.
Тамаша инвалидлар декадасы уңаеннан куелды.
Проект Татарстан Мәдәният министрлыгының «Балаларга — балалар» проекты кысаларында тормышка ашырылды.
