Тинчуринлылар татар театрлары арасыннан беренчеләрдән булып яңа сезонны ачып җибәрде. 20 август көнне театр сәхнәсендә «Карурман» спектакле уйналды. Пандемиягә кадәр куелган спектакльдән аермалы буларак, бу юлы тамашачылар премьераны битлекләрдән карадылар. Шулай ук тамашачылар саны 200гә кадәр кыскартылган иде, барысының да температурасын үлчәп, кулларына антисептик салып керттеләр.
Театр директоры Фәнис Мөсәгыйтов сүзләренчә, спектакль пандемиягә кадәр ике генә тапкыр куелган.
Әлеге куелышта минем өчен иң зур яңалык: Илфак Хафизовны яңадан Тинчурин сәхнәсендә күрү булды. Ул янәдән театрда уйный башлаячак икән.
Автор – Алсу Сәлахова;
Чыганак – “Идел” журналы, 21 август, 2020
Тулырак: http://idel-tat.ru/news/novosti-tt/karurman-premberasy-yarty-zal-m-ilfak-khafizovny-tinchuringa-kaytuy