Татарча Русский English

7 сентябрь- «Эх, алмагачлары!» спектакле белән Кәрим Тинчурин театры үзенең 82 нче театраль сезонын ача.

7 сентябрь- «Эх, алмагачлары!» спектакле белән Кәрим Тинчурин театры үзенең 82 нче театраль сезонын ача.

Алмагач иле авылы халкы зур түземсезлек белән Президент килүен көтә! Чөнки аларга яңа клуб ачылу тантанасына һичшиксез үзе киләчәк дип вәгъдә иткәннәр. Бу вакыйга берәүне дә битараф калдырмый. Шунлыктан барлык авыл халкы шау-гөр килеп бәйрәмгә әзерләнә. Көн-төн репетиция ясыйлар, биюләр кабатлыйлар, өч телдә җыр өйрәнәләр, хәтта авылның үз фокусчысы да табыла. Тик, менә бәла… әлеге тантаналы чарада кем беренче булып чыгыш ясар? Ветераннармы, авыл яшьләре яки көтелмәгән шәһәр җырчыларымы? Мондый бәхет кемгә  тәтер? Бу иҗади бәхәстә кем җиңәр, яңа клуб ачылышына Президент килерме-юкмы – сез боларның барысын да “Эх, алмагачлары!” музыкаль комедиясен карагач үзегез белерсез. Спектакль бик күп халыкчан юмор белән сугарылган һәм анда бик күп биюләр, таныш җырлар бар.

Спектакль төрле яшьтәге тамашачылар өчен тәкъдим ителә һәм аны гаилә белән дә килеп карарга мөмкин.

Әлеге тамашада Кәрим Тинчурин театры йолдызлары катнаша.

Якты һәм ачык төсләргә мул сәхнә бизәлешен рәссам Наилә Кумысникова иҗат итте.

Искиткеч күңелле, мавыктыргыч әлеге спектакльне исә сәхнәгә театрның баш режиссеры Рәшит Заһидуллин куйды.